Хорвоо ертөнц чамайг дурсах уу? :)

Хөх тэнгэрийн оронд навчис сэрчигнэн, намар шувуудтай буцаж буй уйтай өдрүүд үргэлжилж байна. Гадаа намрын сүүлчийн бороо шивэрч байна ...  Бурхан хүртэл чиний зовлонг нимгэлдэггүй орчлон ертөнц  тиймээс өөрөө, өөрийгөө хайрлаж бай. Энэлэн шаналахад ЧИНИЙ зүрх, бэтгэрэн санахад ЧИНИЙ сэтгэл, хоолой давж үг гарахгүй үед тэр их уйг дундалж ЧИНИЙ Л нулимс энэ орчлон ертөнц дээр урсдаг юм. Чиний юуг туулж, ямар уйг гэтлэн гарч, ямар хагацлыг мэдэрч байгааг, ямар амьдралаар амьдарч юу бодож байгааг чамаас өөр хэн ч мэдэхгүй. 

Хааяа би чамайгаа санах л байх даа Хайрлаж явсан үеэ дурсах л байх даа Тэврэлтээс чинь мэдрэгддэг тэр их догдлолыг Тийм ч амархан мартахгүй л байх даа Үе үехэн чамайгаа санах л байх даа Үйлээр учирсан хайраа дурсах л байх даа Үнсэлтээс чинь мэдрэгддэг тэр нандин сэтгэлийг Үгүйсгэн буруутгаж чадахгүй л байх даа Гэнэ гэнэхэн чамайгаа санах л байх даа Гэрэлтэж явсан өдрүүдээ дурсах л байх даа Дуулсан дуу, уншсан шүлэгтэй чинь хамт Дурсамжиндаа мөнхлөөд мартах л байх даа Чамайгаа зөндөө их санах байх, гэхдээ Цагийн эрхээр мартах л байх даа... Г. Болормаа.

Одоогийн 18-тууд аая тийм хөгшин. Би нээрээ 18-тай байсан бол түйвээж байгөө. Даанч 20+ болчихоор чинь бас хүссэн хүсээгүй намба суугаад хаха амьдралд нухлуулаад ирэхээр тэгээл ер нь сампирна дөө. Одооны үеийн 18-тууд чинь нэг л их өвдөг, дэр хоёроо тэвэрч эморсон юмнууд гараад дурлах хэрэгтэй шдээ. Нэг хүнээс салчихсан гээд уйлж суух сайхан ч ганцхан хүнээр энэ амьдралаа төсөөлөх утгагүй хэрэг. Амьдралын урт замд тэнгэрийн одод шиг их учрал чамайг хүлээж байгаа. Тэгээл чат ны цаанаас чамдаа хайртай бла бла яг шдээ хаха тийм хайр байдаггүйнмаа хонгоруудаа хөөрхөнүүдээ ахаха  :P  . Усан бороонд шалба нороод хамт алхаад үз, автобусны мөнгөөрөө зайрмаг авч идэж мидээд алхаад л харьдаг байх хэрэгтэй. Хэрэлдсэн ч уулзаад хэрэлдэх хэрэгтэй шдээ. Одоогийн энэ өндөрлөгөөс харахад даанч тийм армаанчиглал энэ зууны хүүхдүүдэд мөн ч их дутаж байна даа этр. Ер нь 16-18 насандаа армаанчиглаагүй бол над шиг хөгшин болчихоод харамсана шүү  :P Тэгээд 18т шиг армаанчиглая гэхээр тэ дар...

Сайхан царайтай, байртай, машинтай, боломжийн ажил сайн цалинтай, сайхан биетэй бла бла бла энэ бүгд хэн нэгэнтэй үерхэхдээ тавих цензур юм гэнээ. Уучлаарай өөрийнхөө өдөр тутмын хэрэглээгээр үерхэл, дурлалын цензур тогтоодог ийм өрөвдөлтэй амьдралаар л битгий амьдраарай. Ямар ажилд орох гэж байгаа бишдээ. Тэр хүний дэргэд сэтгэл чинь тайван байж, тэр хүний дэргэд чи амгалан байж, тэр хүний хажууд чи өөрийнхөөрөө байж чаддаг байх нь л хүн хүндээ дасахын, хүн хүнээ үгүйлэхийн гол утга учир юм шүү дээ. Сайхан машин, байрийг бол мэдлэг байхад олноо. Гол нь сэтгэл амгалан байвал л ...

Чамайг үхтлээ хайрласаар л байх хүн чинь би гэдгийг чи мэдэх үү?  Чин зүрхний угаасаа анх удаа чамд л дурлаж байсныг  Чинад оршихуйг гэтэлсэн ч энэ сэтгэл чамайг үгүйлсээр байхыг чи мэддэг болов уу? Нүүдлийн шувууд шиг эргээд ирэх болов уу? гэж энэ тэнгэрийн хаяаг 1 хавар ширтэснийг  Мөнх үргэлжлэх цаг хугацааны харвах од мэт амьдралдаа чамайг эргэн иртэл хавар бүр эх орныхоо тэнгэрийн хаяаг харуулдана гэдгийг чи мэддэг болов уу?  Нүглээ нуруундаа үүрээд тэнгэрийг зорих хүртлээ чамайг харуулдсаар, хүлээсээр байх хүмүүсийн нэг бол би юм шүү.

Хүлээлт итгэлийн үнэтэй  Цөхрөлийн амттай зүйл байдаг аж. Чин үнэнийг хэлэхэд зүрх, сэтгэлээ урж тасдаж, тэсэх аргагүй өвдөлтөндөө ёолон амьдраад байгаа юм шиг боловч үхсэн мэт. Гаднаас нь харахад зүгээр юм шиг боловч үнэндээ тэсгэл алдуулсан тарчлал цээжийг нь уран тастаж байдаг...  Он цаг урсан өнгөрч  навчис солигдож  шувууд ирж буцаж  улирал солигдсоор хүмүүс амьдарсаар амьдрал үргэлжилсээр л ... Хэзээ ч ирэхгүй нэгнийг хүлээх хүлээлтэнд утга учир ер нь байна уу? Үгийн хязгаар давсан тарчлал гэвэл хүлээлтийн энэ мэдрэмжийг л хэлэх байх. Бүүдгэр өдрүүд ... бүрхэг тэнгэр.

Жинхэнэ хайр ямар нэгэн арга замыг заавал хайж олдог. Хайр цөхөрдөггүй үнэхээр л тэр хүн чамд хайртай бол ямар ч хамаагүй үнээр, бүх л арга замаар тэр чиний хажууд үлдэх арга замыг олох болно. Голоо тасартал санасан сэтгэлийг минь дэвтээсэнд баярлалаа. Б минь :)

Үнэнийг хэлэхэд чамайг би голоо тасартал санаж л байна. Гэхдээ зүгээрдээ санаагүй гэж өөрийгөө хуурч, завгүй байх гэж хичээж, санаагүй гэж өөрийгөө хүчлэн хуурсаар цаг хугацаа урссаар л ... Санан бэтгэрэх сэтгэл урт шөнийн зүүдэндээ чамтай уулзаж тайтгардаг юм шүү ... Гэхдээ зүгээрдээ уйлмаар санагдсан үедээ уйлж, инээмээр санагдсан үедээ инээсээр урт юм шиг богинохон амьдралыг ганцаараа туулнаа . . . Бид чинь амьдарч байна шүү дээ.

Ирж буцсан мянга, мянган жилүүд амьд мөнхийн гинжин хэлхээ үргэлжилсээр... Ирсэн тэгээд амьдарсан эцэст нь буцсан хаашаа гэдгийг нь харин мэдэхгүй. Юунаас бүтсэнийг нь мэдэх авч хаанаас ирээд хаашаа буцаж буйг нь мэдэхгүй. Судлаачгүй судлах ч боломжгүй зүйл юм. Амьд мөнхийн гинжин хэлхээний нэгэн хэсэг болсон л бол заавал сэтгэлээрээ мэдрэх ёстой тэсэх аргагүй өвдөлтийг мэдрүүлдэг "мэдрэмж", туулах ёстой уй гуниг, даван гарах ёстой цөхрөл, эвлэрэх ёстой үнэн бол ҮХЭЛ. Ганцхан хүн л үхэхээ мэддэг гэдэг гэвч миний хувьд бол үгүй. Амьтад хүртэл амьдралын төлөө тэмцдэг.  Он жилүүд урсахад элэгдэлгүй үлдэхгүй зүйл гэж байхгүй. Өдөр хоногууд өнгөрөхөд өчигдөр түүх болон үлдэж өөр нэгэн өдөр бид өөрсдөө хаашаа ч юм явах болно. Харин тэр үед үлдэх хүмүүсийн биш явах хүмүүсийн харуусал бага байвал нүд ирмэхийн зуурт дуусч буй амьдралыг утга учир дүүрэн өнгөрүүлсэний ганц гэрч нь тэр биз . . . Үхэж буй нь үхлийг мэдэрдэг авч үлдэж буй нь хагацлыг нь мэдэрч хоцордог хорвоо юм шүү...

 "Мөрөөдлийн шүлэг" Д.Баттогтох (1967-1994)  Оюутны ширээнд суугаад 4 дэх жилийнхээ нүүрийг үзэж байна. Уйлсан дуулсан, инээсэн баярласан дурсамж дүүрэн 4 жил цаг хугацаа харвасан сум мэт нисэн одож байна. Гэвч оюутны ширээнээс бид мэдлэгийг, оюутны амьдралаас өөрийгөө, эрдмийн өргөө гэгдэх их сургуулиасаа ирээдүйн зорилгоо өвөртлөөд төгсөж байвал их сургуульд сурсаны гавьяа тэр. Хүн амьдралд өөрийгөө олох биш /ямар гээсэн ч бишдээ ххэ/ бүтээх гэж амьдардаг гэсэн. Эндээс бид хүнийг өмссөн, зүүссэн, эдэлж хэрэглэж байгаагаар нь биш буй чигээр нь хүлээж авахыг, сэхээтэн байхын үнэ цэнийг мэдээд өөртөө наагаад төгсөж байвал оюутны ширээнд суусан 4 жил үр өгөөжгүй өнгөрсөн гэж үзэж болохгүй. Бүх зүйл дууссан гэж бодох тэр мөчид бүх зүйлс дөнгөж эхэлж байдаг. Тийм болохоор их сургуульдаа сууриа сайн тавьсан бол амьдралын урт аянд бид алзахгүй ээ... Манай анагаах чинь салбараасаа хамаарч 5-6 жилээр төгсөнө хаха :P  АШУҮИС-ийн лекцийн 139 тоот лекцийн танхим  Ха...

... мартсан гэж бодсон бишээ өөртөө итгүүлсэн. Тэгээд зургийг нь харвал өнөө сэтгэл догдлох бас зовох мэдрэмж давхацдаг. Тэгээд л тарчилдаг. Яг үнэндээ мартаагүй шазуур зуугаад л хүнд муугаа үзүүлэхгүй гэж гүрийсэн их зан юмдаа. Үнэндээ бол тэврээд авмаар, ядахнаа ганц удаа харчихсан. Гэвч энэ бол биелэшгүй зүйл. Сонголт гэвэл мартах өөр ямар ч зам байхгүй тэгээд л болоо.  Гэхдээ л ... сэтгэл эргэж ирэхгүй гэсэн үнэнтэй эвлэрэхгүй хүлээгээд л байх юм. Гол таслах гэж байгаа юм шиг тэр өвдөлтийг шүд зуун тэсч тэсгэл алдахдаа гашуун нулимсаар хацраа зүсэж, гомдол тээж дурсамжуудаараа аялж өнгөрсөнийг шүүж ...         Ямартай ч ... Зөндөө их санасан болоод л зовж байгаа сэтгэлээ тайтгаруулах гэж тархи зүүдэндээ тэр хүнтэй чинь учруулдаг биздээ ... Чиний эзгүйд  Санасан сэтгэл хаврын бороог үгүйлж Саарьтталаа би гадаа зогссон  Навч хагдарахад явсан чамайг Навч нахиалтал хүлээсэн байна  Чиний эзгүйд Нар хүртэл надаас илчээ харамлаж На...

Хичээлийн жилийн эхэнд Монголын залуучуудын холбооны байран дээр тэтгэлэгт хөтөлбөр болон гадаад хэрхэн суралцах талаар лекц болсон юм. Ер нь бол гадаадын их, дээд сургуулиудад зуучлагч компаниуд зохион байгуулсан соёмбо танхимд. Энэ лекц надад шинэ боломж, шинэ тэмүүлэл, алс холын зорилгыг миний тархинд авчраад суулгачихав. Герман, Австри гэх хөгшин европын гол цөм шахуу болсон хоёр улсын их, дээд сургууль үнэ төлбөргүй. Би анхандаа австри луу явна даа гэж их ч мөрөөдсөн дөө хэхэ. Энэ мөрөөдөл надад герман хэл сурах шалтгаан минь болж а-ч мэдэхгүй хүн өнөөдөр германаар баярлалаа, баяртай, үгүй, эр, эм гэх мэт үгнүүдийг цээжлээд явж байна.  Ингээд австри луу виз мэдүүлэхээс авахуулаад бүх зүйл нь ер нь бол бээжин руу нэг бус нилээн хэд явах болсон. Тийм учраас надад жаахан хэцүү санагдсан. Учир нь монголд Австри улсын элчин сайдын яам байхгүйтэй л холбоотой. Ингээд австри гэдэг улсыг гээх, болих шалтгааны 1 хүчин зүйл энэ болов. Харин гэнэт МАИДСОНК /миний явдаг клуб/-ын багш...

Би түүндээ хайртай байв. Энэ бол анхны харцаар, сүүлчийн харцаар үүрд мөнхийн хайраар хайрласан хайр байлаа ... Чамайг байхгүй болох тэр өдөр миний зүрх үхэх болно. Учир нь нар мандахыг бус чамайг харах гэж өглөө бүр би сэрдэг байсан. Орхи, чөлөөл, гээ, эрх чөлөөг өг эргээд ирвэл тэр ... түүнд шуургийг сөрөх хүч, зүрх сэтгэлээ сонсох чих өгсөн хэрэг Сарнайг тасдахгүй байх нь ... Цаг хугацааны уртад элэгдэхгүй үлддэг ганц зүйл зүрх сэтгэл, түүнтэй мөнхөд хамт байж чадах ганцхан нь жинхэнэ ... ... хэн нэгний төлөө өөрийгөө хэмлэх юм. Цаг нь ирэхэд тавьж явуулах ухаан бол ...  Тэсэх аргагүй өвдөлт байгаа хэдий ч шүдээ зуун тэсэх хүч бол ...  Утга учиргүй инээмсэглэл хийгээд гуниг, нулимс, баяр хөөр ба шаналал ...  Хичнээн цаг хугацаа өнгөрсөн ч мартагдалгүй сэтгэл хөндүүрлүүлэх шарх  "дурсамж" ...  Чимээгүй хашгираан ...  Хүний бүхий л дутагдлаас хамгийн сонирхолто...

Будант төгөл Шаргал навчис Хоосон сандал Хосууд зугаалахыг хүлээсэн ... Бороо хүртэл орох уу, болих уу гэж тээнэглэзээд л Борог өвс газартаа шурган чимээгүй мэгшээд л Хэдхэн навчис мөчиртөө хоргодон амьдралд тэмүүлээд л Хэзээ ч дуусахгүй юм шиг, ийм бүүдгэр үдэш Хэн ч дурсахгүй юм шиг, тийм гэгэлгэн оройг Салхи хүртэл хийсэх үү, байх уу гэж сэвшээд л Сарны гэгээ усанд тунаран сэмхэн бүжиглээд л Зөрөг цэцгийн үнэрт ялигүй жаахан тайтгараад л Зүүдлээд сэрэхгүй юм шиг, ийм амгалан шөнө Зөрөөд учрахгүй юм шиг, тийм уужим хорвоод Үүлс хүртэл нүүх үү, байх уу гэж сэмрээд л Үсэнд буусан сор зэрвэс хааяа гялтганаад л Намуухан дуу сэтгэлд амилж эгшиглээд л Намар болохгүй юм шиг, энэ яваа насанд Намайг олохгүй юм шиг, тэр сайхан хайр

Эзэн нь дэргэд үгүй дурдатгал, дурсамж хүний зүрх сэтгэлийг хамгийн ихээр шархлуулдаг.

Заримдаа л ... Амьдралын урт замд амрах хэрэг гарна илүү хол замыг туулахын тулд, уйлах хэрэг гарна сэтгэлээ амраахын тулд, ганцаараа байх хугацаа хэрэг болно төөрсөн өөрийгөө олох гэж, өөртэйгээ ярих гэж ... Заримдаа өнгөрсөн бүхнийг эргэн харах хэрэг гарна ийм хэцүү бүхнийг туулаад гарч чаджээ гэж тайтгарахын тулд, заримдаа бүхнийг орхин явах хэрэг гарна шинэ учрал, шинэ хайр, шинэ боломжтой учрахын тулд. Заримдаа зүгээр л чимээгүй байх хэрэг гарна бусдыг илүү ихээр ойлгохын тулд ... Заримдаа биш ҮРГЭЛЖ ӨӨРИЙГӨӨ ХАЙРЛААРАЙ та хорвоод цор ганцын адил бусад хүмүүс ч бас цор ганц учир тэднийг мөн хайрлаарай, та энэ хорвоод бусдаас цор ганц содонтой ижил бусад хүмүүс бас содон тэднийг хүндэлж, уучилж, ойлгож байгаарай. Амьдрал богинохон ...